CHAPTER 38 ENCOUNTER

Nasa Naphintas Mall si Marian para mag-grocery dahil wala na silang stock sa bahay. Hindi kasi lumalabas ng silid nito ang mommy niya mula ng iwan sila ng daddy niya. Nangangayayat na din ito dahil hindi kumakain. Ang negosyo ng mommy niya na minana pa sa mga magulang nito ay siya na rin ang namamahala dahil pinabayaan na ito ng mommy niya. Natatakot siya baka maapektuhan ang business nila dahil sa mga nangyari at ayaw niyang mawala ang pinaghirapan ng lolo niya.

Nasa vegetable section siya ng mabangga ang cart niya ng isang babae. Mabuti na lang at mabilis niya itong nahawakan kaya hindi dumiretso sa kanya. Punong-puno pa naman ito ng mga groceries.

"What the! Ano ba? Bakit pahara-hara ang cart mo sa daan?" Sigaw ng matandang babae na kasing edad ng mommy niya. Sopistikada ang babae ngunit hindi maikakaila ang kamalditahan nito. Sa kilay pa lang nito at ang mga tingin nito na nakakamatay.

"Matandang ito! Siya na nga ang nakabangga, siya pa ang may ganang maninghal." Sa loob-loob