CHAPTER 84 (RED STRING)

JADE’S POV

K A H A P O N . . . pa hindi maganda ang pakiramdam niya.

Gayun pa man ay pinilit niya pa ring pumasok sa patahian. Bukod kasi sa nahihiya na siya kay Aling Betty dahil sa dami ng absent niya nitong mga nakaraang linggo, ay marami talaga ang gagawin nila.

Akala niya kasi mawawala rin ang sama ng pakiramdam niya kapag nakatulog na siya. Pero pagkagising niya kaninang umaga ay mas lumala pa at nagsimula na nga siyang lagnatin.

Si Aling Betty na mismo ang nagsabi na huwag na muna siyang pumasok at magpahinga na muna.

Kaya lang ay maaga namang pinauwi sina JM mula sa school kaya hindi rin siya nakapagpahinga.

“Anak, drawing ka lang d’yan a, kunin ko lang ‘yong mga sinampay ko at mukhang uulan,” wika niya sa anak na abalang gumuguhit sa sala.

Tumango-tango lang ito dahil mukhang tutok na tutok ito sa ginagawa.

Saktong paglabas niya ay nakasalubong niya si Aira.

“O, Aira, ano’ng atin?” tanong niya.

“Kakamustahin lang sana kita Ate, sabi ni Mama may lagnat ka raw kaya di