Chapter 21 Kilay

JESSICA:

NAPAPILIG AKO NG ulo na maramdamang namamanhid na ang katawan ko. Pilit kong minulat ang inaantok kong mga mata at unang bumungad sa paningin ko ang puting kisame.

Saglit akong natulala at inalala ang mga nangyari at kung nasaan ako. Napatingin ako sa kamay kong mahigpit na hawak ng kung sino. Pero agad ding napangiti nang mabungaran ko si Marcus na nahihimbing sa tabi ko.

Nakaupo ito sa silya na nakasubsob ang mukha sa gilid ng kama habang mahigpit na hawak ang isang kamay ko. Saka ko lang napansin na mag-uumaga na pala! Napatitig ako dito at marahang hinaplos ito sa ulo. Napapangiti na lamang ako sa kaalamang nandito itong siya ang nakabantay sa akin.

"Thank you, Yatch." Mahinang sambit ko habang hinahaplos ito sa ulo.

Kahit side view lang nito ang nakikita ko ay 'di maikakaila ang angkin nitong kagwapuhan. Siguro mas lalo pa itong gu-gwapo kung mas lumaki-laki pa ang pangangatawan. Katulad sa pangangatawan ng Kuya Angelo niya. Tiyak mas gwapo pa siya kay Angelo pag nagka