Chapter 22 Alien

JESSICA:

PARA AKONG masisiraan ng ulo na napatitig sa sarili ko sa salamin! Nagngingitngit ang loob ko dahil parang ibang tao ang nakikita ko sa repleksyon!

Pambihirang Kendrang 'yon!

Nagmukha akong alien sa itsura kong wala ni isang kilay na natira! Namumula din ang mukha ko at ramdam ko pa ang mapapanhid nito na parang nangangapal.

Naluluha akong nagpapapadyak dito sa loob ng banyo. Paano ako lalabas nito? Anong mukhang ihaharap ko kay Marcus mamaya?! Nakakainis! Tiyak na pupuntahan ako non mamaya dito para i-check ang kalagayan ko.

Impit akong napapadaing nang sinubukan kong maghilamos! Sobrang hapdi ng mukha ko na mapahiran ng sabon! Hindi ko na tuloy mapigilang maiyak sa sinapit ko.

Ang Kendra na 'yon. Malalagot talaga siya sa akin.

Pagkahilamos ko ay lumabas na ako ng banyo. Lalo lang akong malulungkot na nakikita ang sarili ko sa salamin. Naghalungkat ako sa cabinet ko ng bonet na maaaring matakpan ang kilay kong naglaho. Lumapad tuloy ang noo ko at kahit saang anggulo tig