Chapter 36 Dalawang Linya

JESSICA:

NAPABALIKWAS AKO sa pagkakayakap kay Marcus nang maramdamang tila may humahalungkat sa mga lamangloob ko!

Patakbo akong nagtungo ng banyo na tutop ang bibig dahil panay na ang duwal ko!

"Baby!?"

Hindi ko na nilingon pa si Marcus na napasunod din sa akin dito sa banyo. Napayuko ako sa sink at dito dumuwal nang dumuwal.

Hinahagod-hagod naman ako nito sa likod ko. Para akong naubusan bigla ng lakas na mailabas ang puro tubig na malapot at napakapait na siyang nagpapahalungkat ng sikmura kong kay aga-aga!

"Baby."

Nanghihina akong napasubsob sa dibdib nitong sinalo naman ako. Bakas ang pag-aalala sa mga mata nito na nangingilid ang luhang inayos ang mga hibla ng buhok kong nakatabing sa mukha ko.

"Pa-check-up na tayo?" nag-aalalang tonong nito.

Ngumuso akong umiling na ikinakunotnoo nitong bakas ang kalituhan sa mga mata.

"Look oh, ang laki ng ipinayat mo. Baka naman kung ano na 'yan, Chubs."

"Okay lang ako," pangungumbinsi kong yumapos sa batok nito.

Napayakap din naman ito