Chapter 37 Selosa

JESSICA:

KABADO AKO HABANG hinihintay si Marcus dito sa labas ng bahay.

Pasado alasotso na ng gabi pero hindi pa ito nakakabalik. Kahit na nagkausap naman na kaming pauwi na ito ay 'di ko pa rin maiwasang maging kabado.

Hindi ko pa alam kung paano sasabihin sa kanyang buntis ako. Kahit nga kay Mommy ay wala pa rin akong maisip na maaaring ipasakalye dito para ipaalam na may apo na ito.

Napapabuga ako ng hangin habang palakad-lakad na nakapamulsa. May puwang sa puso kong natatakot sa magiging kalabasan ng pagtatapat ko kay Mommy at Marcus na buntis ako pero mas nangingibabaw ang ligaya sa puso kong . . .may anak na ako.

"Jessica? Why are you still awake, hija?"

Pilit akong ngumiti na mabungaran si Mommy na bagong dating kasama si Manong Archie, ang personal driver namin.

"Hi, Mom."

Bati kong pilit pina-normal ang tono at itsura. Napangiti naman itong gumating yumakap at humalik sa akin na inakay na papasok ng bahay.

"Is there a problem, hija? Is there something you want to say?"