CHAPTER 50: THE CONFRONTATION

Gumawa ng paraan si Chandler na makaalis ng bahay upang makipagkita kay Olivia. Kailangan na rin niyang komprontahin ang babae. Sa loob ng tatlong taon ay ngayon lang sila muling magkakaharap.

Iniwan niya ang bata sa yaya tulad ng madalas nitong gawin sa America. Mas madalas ay yaya ang nag-aalaga rito. Kapag nasa bahay si Montague ay doon lang niya hinahawakan at inaalagaan si Monty.

“Kapag tinanong ni Sir Montague mo kung saan ako pumunta, tell him na dadalawin ko lang si Mama,” pagsisinungaling pa nito.

Taas-noong sabi ng babae habang kausap ang kasambahay na hindi naman tumingin sa kanya bagkus ay nakayuko sa takot.

“Yes, Ma’am.” Nagmadaling lumakad si Chandler patungong garahe.

“Siguraduhin ninyong ligtas si Monty. Ayokong masasaktan siya pagbalik ko dahil kayo ang masasaktan sa akin, naiintindihan mo ba? Huwag kayong tatanga-tanga ha!” sigaw pa nito.

Hindi malaman ng kasambahay kung paano sasagot sa babae. Nakahinga ito ng maluwag mg umalis ang sasakyan.

“Simula na naman n