FORTY NINE

"Since na ginusto ninyong dalawa at naareglo na natin ang gusot. Ngayon ay gusto kong itanong sa inyong dalawa kung ano ang plano n'yo. Kung nagtapat lang sana kayo ng mas maaga kaysa ang pinaabot ninyo pa sa presinto. Ngunit hindi na bale dahil tapos na kaya't sagutin n'yo na lang ako ng totoo. Dahil ang susunod na desisyon namin ng Mommy ninyo ay nakasalalay sa inyong sagot.

"Let's start with you, Reign Wayde. Nasa ikalawang taon ka ng kolehiyo ngunit nagkaroon ng nobya. Wala naman sanang problema roon kung hindi kayo lumampas sa limitasyon at ngayon ay buntis ang nobya mo. Inuulit ko, ano ngayon ang plano mo?"

"As you are, Catherine Hija. Classmate kayong dalawa ng kasintahan mo kaya't hindi ko na uulitin ang nasabi ko kanina. Isang tanong at isang sagot. Ano ang plano mo ngayong may laman na ang iyong tiyan?"

Pinaglipat-lipat ni Reynold Wayne ang paningin sa mga teenagers na kaharap. Masakit man ngunit kailangan niyang magdesisyon. Aminado rin naman siyang marinig ang inaasam mula