Chapter 17

✿♡ JAZZLENE ♡✿

KATATAPOS kong mag-shower at kasalukuyang gumagayak. Nagkayayaan kami nila Leigh at Violet na kumain sa labas at iinom daw kami nang kaunti. Since busy ulit si Camille, hindi na naman namin siya makakasama.

Simpleng gayak lang ang ginawa ko. Jeans at cropped top at ‘yong nike shoes ko. Hindi rin ako masyadong nag-ayos, light make-up lang. Ang buhok ko naman ay sinuklay ko lang at nagbaon na lang ako ng scrunchie, nakasuot ‘yon sa kanang pulsuhan ko.

Shinoot ko sa loob ng sling bag ko ang small wallet ko ‘tsaka ko na ‘yon sinukbit sa katawan ko. Nag-spray muna ako ng pabango bago tuluyang lumabas sa kuwarto bitbit ang phone ko.

Habang pababa ako sa hagdan, bigla kong naalala si Adam. Gusto ko sana siyang i-text para inform na lalabas ako ngayon kasama ang dalawang kaibigan ko dahil ‘yon naman ang arrangement namin—na ipaaalam ko sa kaniya lahat para alam niya kung saan ako pupuntahan in case of emergency. But part of me ay nahihiyang mang-abala sa kaniya ngayon lalo na a