Chapter 55

✿♡ JAZZLENE ♡✿

“BAKIT kasi hindi mo pa patawarin kung okay naman na pala sila ulit ng parents mo?” ani Camille.

Magkakaharap kami sa isang table, kasama ko sila ni Violet na um-attend sa university’s annual alumni charity gala kung saan ako isinama ni Mommy at Daddy last year. Ang kaibahan lang ngayon, sa M-Power Hotel ito ginanap. Official na alumni na kami kaya imbitado rin kami rito. Si Leigh lang ang hindi namin kasama dahil nasa Australia na siya, working. Gayon pa man ay nakakausap pa rin namin siya through video call kapag pare-pareho kaming may time.

“Ilang buwan na ba s’yang nanunuyo sa ‘yo?” Si Violet, ‘tsaka nito tinungga ang wine niya. Mula pa kanina, nahahalata ko na ang mga kalalakihang sumusulyap sa table namin. Kung dati ay nasa akin ang atensyon ng mga kalalakihan, ngayon ay na kay Violet. Dahil alam na nang marami rito na anak siya ng kilalang businessman na si Jake Crystal. Ilang beses na rin may lumapit sa table namin para imbitahang isayaw si Violet, ngunit ako an