Special Chapter 1

Special Chapter One

✿♡ JAZZLENE ♡✿

“CRYSTAL flower two hundred and thirty-one,” mahina kong bulong, nakangiti, habang pinagmamasdan ang isang pirasong rose na gawa sa crystal na inabot sa akin ni Adam matapos kong sumakay sa sasakyan niya. Narito siya sa parking lot ng M-Power Hotel, nauna siya sa akin dito nang bahagya para hindi makita ng mga empleyado na magkasabay kaming uuwi.

“Do you want me to stop giving you flowers?” tanong niyang dumukwang sa akin para humalik sandali sa labi ko, may bahagyang ngiti sa labi niya.

“No. Not yet. Stop when we reached one thousand.” I giggled. Simula kasi nang bumalik siya galing sa Singapore, naging diretso na ulit ang pagbibigay niya sa akin ng bulaklak na gawa sa crystal. Two hundred and ten ang huling bilang ko roon pag-alis niya. Medyo marami nang nadagdag.

“So? Where are we heading now? Your place or mine?” Nginisihan niya ako.

“Your place. Meadows Tower. Sa penthouse mo. Nami-miss ko na pumuntra ro’n.” I smiled back.

“All right. Let’s go.”