Tainted Hearts 33

Maya't maya ang paghinga ko ng malalim habang mag-isa sa kuwarto. Iniwan sa akin ni Lennox ang phone niya at pinapasok ako sa website ng isang sikat na designer ng mga wedding gown. Naggagandahan ang mga puting gown doon. Makakita man ako ng simple'y nakakalula pa rin ang presyo.

Hindi niya ako napapayag na magpakasal dito. Kahit na ganoon, pinapahanap na niya ako ng gown para kung sakali raw na magbago pa ang isip ko. Na may nakahanda na. Kung hindi raw magbago, puwede ko namang mai-suot iyon pagkatapos ng graduation.

I was happy the day he proposed. Kaya hindi ko maintindihan kung bakit ngayon na pinag-uusapan na namin ang tungkol sa inaalok niyang kasal, napi-pressure ako. Siguro dahil nabibilisan ako sa mga desisyon niya. At ramdam kong parang pilit niya akong minamadali.

"Nakapili ka na?"

Naabutan niya akong nakatulala. Nakababa ang phone niya sa mga hita ko. Nilapitan niya ako't kinuha ang phone na nasa hita ko.

"Ito ba?"

Tinitigan niya ang gown na sumakto sa pagtigil sa pag-scro