Chapter 53

Gabriel.

Nakapatong sa dulo ng back rest ng swivel chair ang aking ulo habang nakasalikop ang dalawa kong kamay at nakapatong sa lamesa. Maraming bagay ang nangyari sa mga araw na dumaan. Stress na stress ako't gulong-gulo ang isipan. Ganito ba kabigat ang dadalhin ko bago tuluyang lumisan dito? 

Mariin kong ipinikit ang mata upang kahit papaano'y mawala ang pagod na naroon. Kanina'y nagtungo si Darren sa opisina't tinanong ako nang tungkol sa nangyari kay Victoria. At dahil sobrang kulit at naaasar ako sa kaniya'y oo sumang-ayon ako na tama ang nalaman niya. 

Dahil sa palagay ko'y hindi niya lang niya kung kanino nalaman ang bagay na 'yon. Nakatitiyak akong nagkausap sila ni Victoria. 

Ayoko na sanang pagtuonan ng pansin ang mga nangyayaring kakaiba sa Tenement kung hindi lang palaging nadadawit ang babaeng balak kong pagsalinan ng pamamahala rito. Aywan ko ba, siguro'y may ba