Chapter 74

Hindi agad kami nakauwi ni Felicity dahil sa mga dahilan niyang hindi raw namin puwedeng iwanan si Cecille sa oras ng pagdadalamhati nito. 

Actually, hindi naman talaga namin kailangan na pumasok sa klase. Pero kasi sayang ang oras na sana'y pinang asikaso ko na sa Tenement. 

Alas kuwatro na ng hapon, narito kami sa isang funeral home. Silang dalawa ang ang nasa loob. Mas pinili kong manatili sa labas upang doon sila antayin. 

Dito ko na nalaman ang nangyari sa ina niya. Madaling araw kanina nang matagpuang wala ng buhay ang ginang sa kaniyang silid. Hindi dahil sa sakit ang ikinamatay nito. Sadyang nagkitil talaga ng kaniyang buhay ang ginang. 

Ayon sa liham na iniwan nito'y ayaw niya na raw na maghirap pa ang kaniyang anak kaya naman inisip na niyang kitlin ang kaniyang buhay. At sa huling bahagi ay nabanggit doon na ninanais nang ina na bumalik ang kaniyang anak sa diyo