Kabanata XXVII

Lucas' POV

Limang buwan, limang buwan na ang nakalipas simula nang dumating ako sa manor ng mga Amoux. Marami akong natutuhan sa panahong lumipas dahil kay Lucio, sa loob ng tatlong buwan, tinuruan ako ni Lucio magbasa at magsulat. Mabilis ko lang natutunan ang lahat ng tinuro niya sa akin, ang sabi nya sa akin ay may taglay raw akong talino na ngayon lang niya nakita.

At sa dalawang buwan naman hanggang ngayon ay tinuturuan niya ako ng self defense, sobrang hirap at mabigat para sa akin pero lahat ay nagbubunga. Hindi ko pa siya nasasabayan pero sabi niya ay nag iimprove daw ako. Hindi ko nga din akalain na ganito siya kagaling, naikwento niya sa akin na ang ama niya ay isang warrior kaya nagkaroon siya ng interes sa mga ganitong bagay.

Ang pinakanagustuhan ko sa lahat ng pinaliwanag niya sa akin ay ang paghawak ng kutsilyo. At habang nagtatagal kami sa pagiinsayo ay mas lalo kong nalalaman na magaling ako sa paghawak sa mga matutulis na bagay.