Babymaker 13

Tiningala ko ang mga naglalakihang building. Sumasakit na ang init na hatid ng haring araw ngunit itong kasama ko ay para bang wala lang. Sinundo niya ako kanina matapos kong makabihis dahil sa utos ni Alas. Hindi ko alam kung bakit kailangan niya pang mag-utos ng iba para aliwin ako e kaya ko namang aliwin ang sarili ko sa loob ng condo niya, e.

"Tara sa mall tayo," aniya at hinawakan ang aking braso saka ako kinaladkad.

Kung gaano kasungit si Fritzy ay ganoon naman ka-jolly at ka-hyper itong kasama kong si Josia Laparan. Palagi ako nitong kinakaladkad. Kahit nga nung pagbaba namin ng sasakyan kanina ay kinaladkad niya rin ako. Muntik na akong matapilok kahit naka-converse ako.

"Saglit lang. Dahan-dahan naman, Sia. Mababali kamay ko dahil sa 'yo, e." Sinubukan kong tanggalin ang pagkakahawak nito sa akin at laking pasalamat ko nang bitiwan ako nito.

Kaagad kong hinawakan ang parteng kanyang hinawakan kanina at hinimas ito. Kita ko ang pagmarka ng kamay niya sa aking braso. Sumimangot