Chapter 11

Inihatid lamang siya sa may bungad ng eskinita papunta sa apartment niya. At nilakad na niya ang pathway papasok. Mas gusto pa nga niya na hindi na siya i ihatid ni Eros dahil bago siya bumaba ay sumulyap ito sa labas. At kahit na walang emosyon ang mata nito ay ramdam niya ang disgusto nito sa lugar nila.

Ngali-ngaling simangutan at ismiran niya ito ngunit hindi niya ginawa. Isang pilit na lang na ngiti ang iginawad niya rito at nagpasalamat bago tumalikod.

Ang sabi nito ay wala silang ‘session’ ngayon dahil may mahalaga itong dadaluhan. Kaya ito inihatid lang siya at pinuntahan sa campus dahil lang sa bahay na binili nito. Ang gusto nito ay bukas ng gabi naroon na siya at naghihintay sa binata. At sa totoo lang ay gusto niyang tumawa ng sarkastiko dahil pinalabas pa nito na normal na meeting ang gagawin nila bukas ng gabi at tinawag na session.

Habang naglalakad ay nasa malayo pa lang siya ay tanaw na niya ang kaibigan na si Bree na halatang naiinip dahil panay ang sulyap sa cellpho