Chapter 23

“Sigurado ka ba na hindi nakakahiyang inaya mo ako?” pang ilang beses na itong tanong ni Ali kay Diego habang sakay sila ng kotse papunta sa bahay ng Abuelo at Abuela nito.

Mahinang natawa ang binata at sinulyapan siya. Pinasadahan siya nito ng tingin at tumango.

Ang suot niya ay isang puting evening gown at ito pa mismo ang bumili ng suot niya. Heels naman ang suot niya sa paa pero habang nandito siya sa kotse ay hinubad muna niya. Natawa lang si Diego subalit hindi naman nagkomento.

“Just relax, Ali. Mabait ang lolo at lola ko,” malumanay at pampapalakas nito ng loob sa kanya.

Noong gabi na nagpaalam si Eros na pupunta ito ng Moscow ay pinag-isipan niya ito ng mabuti. Lalo pa at wala namang binanggit ang lalaki kung tutol ito sa pag-dalo niya. Ni rin sinabi ng binata kung kailan ito babalik ng bansa. Kaya nang magkita sila ni Diego kinabukasan ay sinabi niyang payag siya sa imbitasyon nito.

Hindi pa rin mapakali na kumuha siya ng tissue dashboard ng kotse ni Diego. Pinunasan niya an