Chapter 44

“Eros, pwede bang magtayo na lang tayo ng tent dito sa dalampisagan?” tanong ni Ali sa binata nang maupo na sila sa may buhangin.

“It's already late. Bukas na tayo magtatayo ng tent. Come on, let's go inside. Magpahinga ka na at bukas, pangako hindi kita pipigilan sa gusto mong gawin,” masuyong wika nito. Iniipit pa nito sa likod ng kanyang taynga ang buhok niya. At nang muling inilipad ito ng hangin ay kinuha na nito ang rubber band sa wrist niya at ito na ang nagtali ‘nun.

“Okay,” masama ang loob na pagpayag niya. Gusto talaga niya ang matulog dito sa labas. Simula kaninang nakarating sila rito ay kanina pa siya inaaya na pumasok sa loob ngunit tumanggi siya. Kahit pa sinabing nakahanda na ang kanilang hapunan ay ayaw pa rin niya. Wala tuloy silang pagpipilian kundi ang ilabas kanina rito ang pagkain.

Nang mahimigan ni Eros ang tono ng dalaga ay napahinga siya ng malalim. Hindi naman sa ayaw niyang pumayag pero masyadong malalim na ang gabi. Kung ang tungkol naman sa pagtayo ng tent