Chapter 33

ANGELA

Kinabukasan ay sumabay na ako kay Rafael. Tinawagan kasi ako ni Tita Frieda na kailangan niya akong maka-usap ngayon. Kaya walang nagawa si Rafael kundi ang ihatid ako sa Amore.

“Susunduin kita mamaya okay?” Wika ni Rafael nang makababa na ako sa harapan ng Amore building. Hinalikan niya muna ako sa labi bago siya umalis. Kumaway pa ako sa kanya bago ako pumasok. Kaagad akong pumasok sa elevator at pinindot ang 35th button papunta sa office ni sir Augusto dahil nandun kasi si Tita Frieda. Nang makarating na ako ay marahang katok ang ginawa ko.

“Marinor!”

Kaagad na lumapit si Tita at niyakap ako. Kaya gumanti din ako ng yakap. “Tita, I’m sorry po.” Sambit ko. Nasa likuran niya lang si Tito Augusto at si Athena.

“Anong nangyari? Paano ka napunta kay Rafael? Kinidnap ka ba niya? Pinipilit ka ba niyang bumalik sa kanya?” Nag-aalalang tanong niya sa akin. Iginiya niya ako sa malaking sofa at umupo kaming lahat.

“Nagpapasalamat po ako sa pagkukop niyo sa akin. Malaki po ang utang na