CHAPTER 17: HER WAYS

Kaagad na kumabog nang malakas at mabilis ang puso ni Nicole nang masilayan ang nilalaman ng brown envelope.

'Hindi maari! Bakit?'

Nanubig ang mga mata niya pero hindi nito pinahalata dahil baka mapansin lamang iyon ng katabi niyang pasahero sa loob ng eroplano.

'Bakit ibinalik mo sa akin ang annulment papers na pinirmahan nating dalawa, Noah?' mahina niyang bulong sa kinauupuan.

Sinigurado nitong ang totoong dokumento ang nasa harapan dahil hinawakan niya maging ang likurang bahagi ng pirma nilang dalawa. Umuumbok 'yon, ibig sabihin, hawak niya ang orihinal na kopya at walang natira sa kamay ni Noah para gamitin sa aplikasyon nang pagpapawalang-bisa ng kanilang kasal.

'Hindi ko maintindihan ang mga nangyayari. Naguguluhan ako, Noah."

Napapikit na lang siya habang may diin ang pagkakasandal ng likod sa kinauupuan. Minabuti nitong itago na ang annulment papers dahil mas lalo lamang nagugulo ang emosyon niya habang hawak ito.

Marahan nitong hinaplos ang tiyan, hindi para pakalmahin ang