“I-ILAPAG mo na lang sa table ang document at pipirmahan ko mamaya," aniya sa asawa.
“Sige, saka pwede bang ‘wag mo munang sabihin ‘to kanila lolo at papa? Sigurado kasing hindi papayag ang mga ‘yon sa annulment kung walang mabigat na dahilan,” saad ni Noah.Muling kinagat ni Nicole ang pang-ibabang labi. Gusto niyang mapahikbi ngunit hindi sa harap ni Noah. Kailangan niyang magpakatatag para kahit papaano ay may matira man lang kahit konti para sa kaniyang sarili.Sanay siya sa hirap kaya ang mga ganitong pangyayari ay kailangan niyang kayanin.Mula man sa ordinaryo at mahirap na pamilya ay maayos siyang napalaki ng ina na isang dating nurse. Habang ang ama naman niya ay sugarol at pasulpot-sulpot lang dahil sa dami ng pinagkakautangan.Kung susumahin ay wala talagang pag-asang magkrus ang landas nila ni Noah dahil sobrang layo ng antas ng kanilang pamumuhay.Ngunit nang maaksidente ang sinasakyan ng lolo at ama ni Noah na sina Arman at Ben ay isa ang kaniyang ina sa agad na sumaklolo sa dalawa.Nang ang kanyang ina naman ang nagkasakit at nangailangan ng tulong ay agad lumapit si Arman para magpaabot ng tulong.Ngunit hindi kinaya ng kaniyang ina ang sakit na cancer hanggang sa tuluyan din nitong lisanin ang mundo. Bago ito malagutan ng hininga ay nakiusap pa ito kay Arman na kupkupin siya dahil wala na itong ibang matatakbuhang kamag-anak.At iyon naman ang ginawa ng matandang Saavedra, pinakain at pinag-aral siya nito hanggang sa makapagtapos siya ng kolehiyo. At isang taon lamang ang nakalipas ay ipinagkasundo naman siya sa apo nitong si Noah.Hindi man ito tumutol ngunit may kasunduan sila ni Noah na magtatagal lamang ng tatlong taon ang kanilang kasal.At sa loob ng dalawang taon nilang pagsasama ay hindi naman ito nagkulang sa kaniya. Natural nitong nagampanan ang responsibilidad bilang asawa.Kaya kahit masakit ay kailangan niyang tanggapin na lahat ay may hangganan. Napaaga nga lang ito sa kanilang dalawa ni Noah.“Sa tamang panahon ay ako na ang magsasabi sa kanila,” patuloy nito. “Saka…‘di ba nakuwento mo noon sa akin na may lalaki kang nagugustuhan? Kapag official na tayong hiwalay ay pwede mo na siyang balikan. May communication pa rin naman siguro kayong dalawa, hindi ba?"Alam niyang sa mga oras na ito ay nakangiti na ang asawa pero hindi niya ito nilingon. Baka mamaya kasi ay mas lalo lamang siyang manlumo sa kinatatayuan."You deserve to be happy, Nicole. Hindi ako makasarili para ipagkait 'yon sa'yo dahil alam kong mabuti kang tao."“O-Okay,” ani Nicole na bahagya pang pumiyok.Mariin siyang napapikit dahil bistado na siya. Paniguradong nahalata na nito ngayong umiiyak siya. Kaya bago pa magtanong ay agad na siyang lumayo.“Sandali lang, ano ‘yang hawak mo?” tanong ni Noah matapos siyang harangin. “Patingin ako.”“Ito ba? Delivery receipt galing sa cake na pinadala ng lolo mo. Itatapon ko na sana bago ka dumating," alibi niya saka mabilis na tinapon sa trash bin ang pregnancy test result.“Ba’t ka umiiyak? Dahil ba nakikipaghiwalay ako sa’yo o tears of joy ang nakikita ko ngayon?” ani Noah.Napatango siya. “M-Masaya lang ako kasi sa wakas…” aniyang hindi na kayang ipagpatuloy ang kasinungalingan.“Masaya kang ano, Nicole? Masaya kang makakasama mo na siyang muli? Pwede mo bang sabihin sa’kin kung sino siya?”Naguluhan si Nicole. “S-Siya? S-Sino bang tinutukoy mo?”“Hindi ba nabanggit mo sa akin noon ang lalaking matagal mo ng gusto? You're crying in happiness right now. Ibig sabihin, he's much more better than me in all aspects. Hindi naman siguro masama kung sabihin ko sa kaniyang mahalin at ingatan ka niya tulad nang ginawa ko sa'yo this past few years, hindi ba?” saad pa ni Noah.Muntik na itong mapahawak sa kaniyang naninikip na dibdib dahil sa kalokohang naisip ng asawa.Balak na nga nitong ipaubaya siya sa iba, naisipan pa nitong ipagmalaki ang mga nagawa para sa kaniya sa loob ng dalawang taon nilang pagsasama.Napaiwas na lamang siya ng tingin. “Bakit natin siya pinag-uusapan? Saka, sa pagkakaalam ko’y ikakasal na ulit ang lalaking tinutukoy mo.”"Ikakasal…ulit?” hindi makapaniwalang tanong ni Noah. “May gusto ka sa isang lalaking kasal na at muling magpapakasal sa iba?!”Tumango si Nicole kahit lihim siyang nakaramdam ng inis sa pagiging inosente at manhid nito. “S-Sa pagkakaalam ko ay pinagkasundo lang silang dalawa ng asawa niya…at ang pakakasalan nito ngayon ay ang dati nitong girlfriend.”Mas naunang rumehistro ang pagkainis sa mukha ni Noah dahil sa sinabi niya.“Anong klaseng lalaki ba ‘yang nagustuhan mo, Nicole? Maghanap ka ng matino hindi gaya ng lalaking ‘yan. Baka mamaya maging sakit mo lang siya sa ulo.”Mahina siyang napatikhim. Madali lang sabihin 'yon pero napakahirap gawin."Paano kung ayoko?" may diin ang tinig niyang tanong.Bumuga lamang ito ng marahas na hininga at may inis na naman siyang tinitigan. "Just forget about him if you don't want me to interfere."May balak pa sana siyang sumagot ngunit nakita niyang napayukom ang asawa habang nananatili pa rin ang madilim na ekspresyon ng mukha.Mabait kung mabait si Noah pero nakakatakot ito kung magalit. Minsan lang niya iyong nasaksihan noon pero ipinangako nito sa sariling hindi na muling mauubos ang pasensya nito.“Okay…kakalimutan ko na siya,” saad ni Nicole na animo'y isa itong sundalong sumuko sa laban.Susubukan niyang kalimutan...Ngunit magawa niya kaya?Kung sampung taon na niyang minamahal ang lalaking walang iba kung hindi ang mismong asawang si Noah?SAMPUNG TAON...Ganoon katagal nitong minahal si Noah hanggang umabot sa puntong naging parte na ito ng buhay niya.Wala siyang ibang pinangarap kung hindi ang lalaki at kung kailan akala nito ay magiging masaya na sila sa piling ng isa't isa ay kailangan na pala nitong magising sa mahaba at masarap na panaginip.At kung may mag-uutos man sa kaniyang dapat na nitong kalimutan ang asawa ay isa lang ang masasabi niya.Mahirap...Sobrang hirap...Dahil wala siyang ibang minahal sa tanang-buhay niya kung hindi ito lamang. Wala siya ibang pinangarap na pagsilbihan araw-araw kung hindi ang isang Noah Saavedra lamang.KUNG SANA ay kaya lang nitong sabihin kay Noah ang buong katotohanan ay baka sakaling may magbago pa, baka sakaling magbago pa ang isip nito ngunit hindi pwede.Tulad nang sinabi nito kanina, ayaw niyang ipagdamot ang kaligayahan nitong alam niyang tanging si Ella lamang ang makakapagpuno.Mas pipiliin niyang manatiling manhid sa sakit na nararamdaman. Wala man itong ideya kung paano maglalaho ang bigat na namamayani sa kaniyang dibdib pero kailangan niyang kayanin iyon alang-alang sa ikasasaya ni Noah…kahit pa sabihing, hindi na siya ang dahilan ng ngiti sa mga labi nito.Mauupo na sana si Nicole nang muling magsalita ang asawa, “Kilala ko ba siya?”Natigilan ito sa kinatatayuan. “A-Akala ko ba gusto mong kalimutan ko na siya? Bakit inulit mo na naman ang tanong?"Bumuntong-hininga si Noah bago napailing na para bang may na-realize ito sa nasabi.“Huwag mo na lang isipin ang tanong ko. Ang mahalaga nagkausap na tayo tungkol sa annulment ng kasal natin. Akala ko magiging mahaba ang us
PAGSAPIT NG TANGHALI ay naabutan niyang hawak ni Lucia ang baked macaroni na pinaghirapan niyang gawin ngunit hindi man lang natikman ni Noah.“M-Manang Lucia!” tawag niya habang nakatitig sa hawak ng ginang. “Saan niyo po dadalhin 'yan?"“Ibibigay ko na sana—““’Wag na lang po!” pigil niya agad.Parang biglang nagbago ang isip nito nang makaramdam siya ng konting kirot sa dibdib habang nakatingin sa pagkaing pinaghirapan niyang gawin.“Akin na po, para sana ‘to kay Noah. Kumuha na lang po kayo ng dalawang tub ng ice cream sa fridge para maging dessert ninyong lahat.”“Gano’n ba? Pero hindi naman mahilig si Sir Noah sa mga mamantikang pagkain,” saad pa ng katulong.Alam niya naman iyon kaya nga sinigurado niyang katamtaman lamang at hindi nakakaumay ang timpla nang hinanda niyang baked macaroni. Sinadya nga nitong olive oil ang gamitin dahil gusto nitong ma-appreciate ng asawa ang niluto niya at hindi ito maumay mula sa sobrang mantika.“Kakainin niyo pong mag-isa lahat, Ma’am? Pero h
KUMUNOT ang noo ni Miguel na para bang wala itong ideya sa mga salitang lumalabas ngayon sa kaniyang bibig. Para siyang nakikipag-usap ngayon sa isang batang walang muwang na gusto lamang magsauli ng bote ng soft drinks sa tindahan.“Alam mong may ibang kasamang babae ang asawa mo tapos okay lang sa’yo? Mapapalampas pa sana kung kaibigan, pero ex-girlfriend niya ‘yon, Nicole! Nahihibang ka na ba talaga o nagbubulag-bulagan ka lang?”Biglang naguluhan si Nicole sa kaniyang narinig. “Ako lang ba ang nakapansin o concern ka lang sa akin?”Marahas itong napabuntong-hininga saka matiim siyang tinitigan.“Hindi rin…ang akin lang ay ikaw ang asawa. May karapatan kang kontrolin kung ano mang pinaggagagawa nitong si Noah. Maliban na lang kung gusto mong masaktan sa huli at mapunta siya sa iba?"“Parang nagbago yata ang ihip ng hangin at bigla kang bumait, Miguel? Dati-rati naman ay ayaw mo sa'kin para kay Noah.”Lumalim bigla ang gatla nito sa noo. “Kasi hindi pa naman kita gaanong kilala noon
SA KABILA nang magiging presensya ni Ella sa birthday party ng lolo ng kaniyang asawa ay pinaunlakan pa rin nito ang paanyaya ni Noah na magkasama silang bibili ng regalo para rito.Kung noon ay walang mapagsidlan ang tuwa niya sa tuwing sabay silang naglalakad sa harapan ng maraming tao, ngayon naman ay sinasadya nitong magpahuli.Mag-asawa man sila kung ituring ngunit malinaw na sa kaniya ang kasalukuyan nitong posisyon sa puso ni Noah.Hindi naman siya tanga upang ipagsiksikan ang sarili."Why don't we look for a watch?" ani Noah kaya natigilan ito sa paglalakad.Muntik pa siyang masubsob sa likod ng asawa dahil para siyang buntot na nakasunod dito magmula kanina.Bilang at maingat kasi ang bawat hakbang na ginagawa niya mapanatili lamang ang ilang pulgadang distansya sa pagitan nilang dalawa."Hmm. Sure," sagot niya saka napatango na lamang.Hindi materialistic ang lolo ni Noah kaya alam niyang matutuwa ito kahit hindi imported at mamahaling relos ang bibilhin nila para rito, but
NANATILI ang katahimikan ni Nicole hanggang muli nilang marating ang kinaroroonan ng asawa. Mas pinili nitong huwag na lamang sumagot kay Ella at baka magmukha lamang siyang masama kapag nakuha nito ang atensyon ng mga taong pumapasok ng rest room.Maliban sa bahagya nang umiinit ang tainga niya sa takbo ng usapan ay pansin nitong unti-unti na rin siyang pinagtataasan ng boses ng kausap. Iyon din ang dahilan kung bakit mas pinili niyang huwag na lamang itong patulan."Sa tingin mo ba magugustuhan ito ni Lolo?" ani Noah habang nakatingin sa kaniyang direksyon.Ibubuka pa lamang sana ni Nicole ang labi upang sagutin ang tanong nito ngunit naunahan siya ng masiglang sagot ni Ella."Oo naman, Love. Mukhang mamahalin at classy ang design, I'm sure babagay ang relong 'yan sa kahit anong soutin ng lolo mo."'Love?'Muntik na siyang masamid ng sariling laway dahil sa narinig.Nagmukha tuloy hangin ang presensya niya dahil sa lakas ng loob nitong tawaging 'love' si Noah sa mismong harapan niya
SINUBUKAN nitong pakalmahin ang sarili ngunit nanatiling mabigat ang mga yapak ni Nicole habang naglalakad sa tabi ng asawa.Ramdam niya ang mga matang nakapako sa kanilang dalawa habang papasok sa mansyon ng mga Saavedra ngunit binalewala niya iyon. Walang ibang laman ang isipan ni Nicole kung hindi ang kagustuhan nitong maibigay ang regalong hawak bago pa man siya maunahan ni Ella."Nicole? What's wrong?" tanong ni Noah pagkatapos siyang lingunin.Umiling lamang ito saka mas hinigpitan ang pagkakahawak sa braso ng asawa."Ha? Wala naman, Noah. Hindi ko lang inasahang mas marami palang bisita ang Lolo Arman ngayong birthday niya."Kimi siyang ngumiti para kumbinsihin itong 'yon lamang ang dahilan sa likod nang pagiging balisa niya, kahit ang totoong dahilan sa likod n'yon ay ang mga bagay na paulit-ulit na gumugulo sa kaniyang isipan."Is it my fault?" mahina nitong tanong saka bumuntong-hininga. "Dahil ba sa ginawa kong pagha—" Mabilis siyang umiling para huwag nang matapos ni Noah
Napailing si Noah at napabuntong-hininga. Kapagkuwan ay napasulyap ito sa kaniyang direksyon na tila ba may gusto itong sabihin."What do you mean, Ella?" ani Lolo Arman saka nagpalipat-lipat ang tingin sa dalawa.Lihim siyang napahugot ng malalim na hininga. Maari bang magpaalam muna siya papuntang rest room nang sa gano'n ay tapos na ang usapan sa pagbalik niya?Ayaw na nitong dagdagan pa ang bigat na nararamdaman sa kaniyang dibdib at baka mamaya ay higit pa sa luhang pinakawalan ni Noah ang kumawala sa kaniyang mga mata. Wala rin naman itong balak na magmukhang kawawa sa harapan ng mga bisita ni Lolo Arman kapag sinabi na ng asawa ang malungkot na balita tungkol sa kanilang magiging annulment.Ramdam nitong sinusubukang itago ni Ella ang tuwa ngunit mahahalata pa rin 'yon sa kinang ng mga mata nito. Para bang may balak pa itong gawan siya ng mahabang farewell message oras na malaman ng mga Saavedra ang malungkot na balita."Let's talk about it some other time, Grandpa. It's your b
Huminga siya nang malalim saka mabigat ang kalooban na nagtungo sa dessert section pagkatapos makatanggap ng mahabang katahimikan mula kay Noah. Inasahan niyang may sasabihin man lang ito sa naging tanong niya ngunit ilang minuto lamang silang nagkatitigan. 'Ano ba talaga ang nangyayari, Noah?' bulong niya habang nasa harapan ng chocolate fountain. Hindi nito malaman ang dahilan kung bakit nangingilid ang luha sa mga mata habang iniisip ang mga sekretong tinatago ng asawa magmula nang bumalik ang dati nitong kasintahan. Ang dahilan sa pagkakalumpo ni Ella, ang gaganaping physical therapy at marami pang iba. Hindi naman siguro masamang malaman niya ang mga bagay na 'yon bago siya maglaho na parang bula sa buhay nito, hindi ba? Humigpit ang pagkakahawak niya sa puting ceramic plate na hawak saka mariing ipinikit ang mga mata. Gusto niyang balewalain na lamang ang nalaman at pilitin ang sariling huwag nang manghimasok sa buhay ng asawa ngunit kaagad din siyang napamulat nang