Kabanata 31.2

“Halata nga anak, ang laki ng tiyan mo eh hahahaha.” Nagkwentuhan pa silang mag-ina at ng maghapunan sila ay sabay sabay na silang tatlo. Napapatingin na lang si Aurora kay Beatrice dahil masyado na itong nagiging masekreto sa kaniya.

Iginagalang naman niya ang desisyon ni Beatrice at ang dahilan nito para bumalik ng Pilipinas. Wala siyang masyadong alam sa kung anong mga pinaplano ni Beatrice at tila ba hindi ito maganda. Gusto niya itong tanungin pero mas pinili na lang niyang manahimik, as long as she’s safe hindi siya mangingialam sa mga plano nito.

“Kwentuhan na lang kita uli anak para makatulog ka na, okay?”

“Yes Mommy.” Masiglang sagot ng anak. Nagsimula ng magkwento si Beatrice ng mga pambatang kwento. Ito ang gawain nilang mag-ina sa araw-araw. Maglalaro saglit, magkwekwentuhan at magbabasa naman ng kwento bago matulog.

Kinabukasan, naglalakad siya ng looby at papasok na sana ng elevator ng makita niyang bigla iyung isinarado ni Blaze kahit na nakita na siya nitong papasok