Kabanata 33.1

Naisubsob ko na lang ang mukha ko sa mga papeles na ginagawa ko. Kanina pa ako hindi makapagfocus sa ginagawa ko dahil sa nangyari kahapon. Halos hindi rin ako makatulog kagabi dahil dun. Tao pa rin naman ako, nakakaramdam ng takot. Mahirap mangapa sa dilim, ni hindi ko alam kung sino ang kalaban ko rito, kung sino ang mga may galit sa akin.

Bumalik ako rito para ipatikim kay Blaze ang lahat ng hirap na dinanas ko hindi para ganito ang mangyari sa akin habang nandito ako. Hindi kaya they mistook me as someone else? Pwedeng mangyari yun, baka hindi naman talaga ako ang puntirya pero sa akin nila nagawa.

Pero parang malabo, kung sinusundan niya ang taong gusto niyang gawan ng masama dapat alam niya kung nasan ang taong yun at kung saan pupunta kaya paanong ako ang nasundan niya? Isang malalim na buntong hininga ang pinakawalan ko.

Pinakilos ko na rin si Sabrina, ipapaimbestiga ko sa kaniya ang tungkol dito ng tahimik. Ayaw kong mangialam pa sa akin si Blaze pero sa tingin ko mangingiala