Kabanata 43.1

Pareho silang tahimik, halos marinig mo na kahit ang maliliit na tunog. Bahagyang napabuntong hininga si Beatrice saka dahan dahang nilagyan ng gamot ang sugat ni Blaze. Wala lang ding kibo si Blaze at hinayaan si Beatrice.

Masaya siyang malaman na buhay ang tunay niyang asawa pero hindi niya mapigilang hindi magalit dahil sa pagtatagong ginawa nito. Anim na taon siyang nabubuhay sa kasinungalingan at pagsisisi, tila nabubuhay siya sa kadiliman at hindi alam kung kailan makikita ang liwanag.

Nang matapos na magamot ang sugat ni Blaze ay isinuot niya na ang damit niya saka tumayo para manguha ng tubig. Tahimik lang namang nakasunod sa kaniya si Beatrice.

“Ipinatingin mo na ba sa doctor yan?” lakas loob ng tanong ni Beatrice, bahagya siyang nakayuko habang nilalaro ang mga daliri niya. Hilaw na ngumiti si Blaze at napapailing.

“Why do you care, anyway?” aniya sa malamig na boses. Nakagat ni Beatrice ang pang-ibaba niyang labi, inaasahan niya na ito. Ang magbago ang pakikitungo ni Blaze