Chapter 33 - Matitiis Ba Kita?

Chapter 33 - Lux

"JERK!"

Nanlaki ang mga mata ni Lux nang bumuhat siya sa kama at lumilipad na calculator ang tatapal sa mukha niya. Pipikit-pikit pa siya pero lumaki na parang mga flying saucers ang mga mata niya.

Umilag siya kaya ang landing nun ay sa dibdib niya. Napatingin siya sa bagay na bumagsak sa paanan niya, tapos ay saka iniangat ang paningin kay Diana.

Napahugot siya ng malalim na hininga at saka naikuyom ang mga kamao niya, nakatingin sa asawang posturado na. She was all dressed up, so stunning as ever in her simple office skirt and blouse.

"How dare you talk about me with those shits?! Itini-tsismis mo na pala ako, wala pa akong kaalam-alam! May nalalaman pa kayong counseling! So, anong pinalalabas mo sa mga barkada mong yun, na may diperensya ako?!" Galit na singhal nito sa kanya at nanlilisik ang mga matang nakatunghay sa kanya.

Nakatayo ito sa may office table at mukhang nag-aayos ng bag, pero nauwi sa pambabato sa kanya.

"Will you damn calm down and explain that thin