SEVEN

Dahan-dahan kong ibinaba sa crib niya ang ngayon ay natutulog ng si Rory. Hindi mahirap alagaan na bata si Rory kaya naman hindi ako masyadong naistress  pagdating sa kaniya. Tulad ngayon, madali talaga siyang patulugin kaya’t hindi ako inaabot ng madaling araw sa pagpapatulog sa kaniya.

Kinumutan ko siya upang hindi siya  masiyadong malamigan at pinahinaan na rin ang aircon. Sa halos isang buwan ko rito sa pamilya nila, napansin kong madaling magsakit si Rory kaya naman sobrang ingat ko sa  pag-aalaga sa kaniya. Ayaw ko naman na madissapoint sa akin sina Ma’am Brielle at Sir Aziel.

Saka isa pa, gusto kong patunayan ang sarili ko sa kanila. Gusto kong patunayan na deserve ko ang trabahong ‘to. Kahit na hindi ako si Kaia Clemente, kailangan kong siguruhin na hindi nila ako tatanggalin sa trabaho kung sakali mang mahanap na nila ang hinahanap nila.

Matapos masigurong maayos na ang lagay ni Rory ay napagdesisyunan ko nang pumu