Chapter 79

Third person point of view

Lulugo-lugo na pumasok si Calixta sa malaking mansyon ng mga magulang niya. Bakas ang luha sa mga mata nito dahil sa nangyaring pamamahiya sa kaniya ni Florence.

Ngunit nasa bukana pa lang siya ng tarangkahan nila ay dinig na niya ang tawanan na nanggagaling sa loob ng bahay.

Pero ang tawanan na iyon ay parang bula na biglang naglaho pagkatapos niyang tumapak sa marmol na sahig.

Nagtaas siya ng tingin para tignan kung ano na ang nangyayari at kung bakit namatay ang tawanan.

Sa pagtaas ng tingin niya ay nakita niya ang dahilan kung bakit wala na ang tawanan.

Mataray na nakataas ang isang kilay ng Mommy niya sa kaniya. Hindi ito masaya sa ginawa niyang pag-abala sa munting salu-salo nito kasama ang mga kaibigan.

Napayuko siya at nakaramdam ng hiya, "sorry," paghingi niya ng paumanhin at nagsimulang humakbang paabante ng nakayuko.

Bawat hakbang na ginagawa niya ay nagdarasal siya na sana ay makarating na siya kaagad sa hagdan papasok sa kwarto niya.

"Wala ako