Chapter 22

ISA

"Anong ibig mong sabihin na hindi ka sasama?"

Halos mag-hysterical na si Alicia nang sabihin ko sa kaniya ang plano ko. Nakapamaywang siya ngayon sa harap ko at pinandidilatan ako ng mga mata.

"Kailangan kong balikan si Alas."

"E, paano si Heart? Katatapos lang ng bone marrow transplant ng anak mo! She needs you!"

"Alam ko. Kaya nga sandali lang ako, susunod agad kami."

Umiling siya at napahawak sa noo. Nilingon namin si Heart na ngayon ay abalang nagkukulay sa kaniyang drawing book.

"Isa, bakit hindi ka na lang namin hintayin? Siguradong malulungkot ang anak mo kapag nauna kami sa probinsya nang wala ka."

"Hindi puwede, Ali. Baka matunton kayo ni Senyora Celestia."

"Ewan ko sa iyo!"

Medyo napalakas ang boses niya kaya nakuha namin ang atensyon ng anak ko. Ngumiti lang ito at bumalik din ulit sa ginagawa.

"Sa tingin mo ba, sa ginawa mo kay Uno, makakabalik ka pa sa kanila? Baka nga ipakulong ka pa no'n! Nagnakaw ka lang naman ng 2 million pesos sa kaniya, Isa! Diyos ko, day! Stres