Chapter 37

ISA

BIGLA akong natahimik nang marinig ang mga sinabi ni Inay. Maghiganti?

"Pagbabayaran ni Senyora Celestia ang mga ginawa niya sa iyo."

"P-paano mo nalaman, inay?"

Kinuha niya ang kamay ko. "Bago ko lang nalaman ang lahat. Hindi ako papayag na hindi sila magbayad sa lahat ng ginawa nila sa iyo, anak. Magbabayad ang mga Cavallaro!"

Mula sa dining, dinala ako ni Inay sa basement ng mansion. Nasa underground iyon. Malaki, madilim at malamig, pero ikinagulat ko ang taong nadatnan ko sa loob.

"Inay, bakit nandito ang taong iyan?"

Sinenyasan ni Inay ang isa sa tatlong lalaking nagbabantay sa paligid. Kinuha nito ang balde na puno ng tubig, saka binuhos sa lalaking walang malay habang nakagapos ang kamay sa itaas. Patayo itong natutulog.

"M-maawa na kayo! Pakawalan n'yo ako!" sigaw nito nang muling magkamalay. Nang matuon sa akin ang paningin niya, nanlaki ang mga mata niya nang makilala ako.

Si Gino!

"Inay... "

"Sa kaniya ko nalaman ang lahat, Isa. Kung paano ka ikinulong ni Celestia, at