Chapter 41

ISA

NAKAUPO ako sa harap ng fish pond habang pinapanood maglaro sa damuhan si Heart. Maraming nagkalat na laruan sa paligid niya. Lahat ay binili ni Inay para sa kaniya.

"Anak, halika." Patakbo siyang lumapit sa akin. Pinunasan ko ang pawis niya bago siya sinubuan ng paborito niyang fruit salad. "Enjoy ka ba?"

"Opo, nay-nay! Ang daming laruan! Ang ganda dito!" tuwang-tuwa siya habang sinasabi ang mga iyon.

"May gusto ka pa bang bilhin natin, anak ko?"

Umiling siya sa akin nang may ngiti pa rin sa mukha. "Wala na, nay-nay! Nandito na lahat!"

Tumango ako at kinarga siya para paupuin sa kandungan ko. Ngayon ko lang nakita na naging ganito kasaya si Heart. Sayang lang dahil kailangan namin maghiwalay nang panandalian.

"Mayaman na tayo, anak. Mabibili ko na ang lahat ng gusto mo. Wala nang aapi sa atin at makakapaghiganti na tayo sa mga taong nagbigay sa atin ng pagdurusa."

"Nay-nay." Inosente ang mga matang tumingin siya sa akin. Halata sa mukha niya na hindi niya naintindihan ang mga sin