Chapter 48

ISA

KINAUMAGAHAN, paggising ko, kagaya ng inaasahan ay wala na si Uno. Balik na naman siya sa asawa niya.

Nagbuga ako ng hangin nang makabangon. Paano ba kami nakarating sa ganito? Nasa iisang bubungan kaming tatlo. Kay Gwen siya sa araw, at sa akin naman sa gabi. Ang gulo.

Tumayo na ako at naligo. Pumili ako ng maganda at matingkad na damit na susuotin. Gusto kong maging maganda sa paningin ng anak kong si Alas. Gusto kong maging maaliwalas ang paligid para sa kaniya.

Nang makababa ako ay nandoon na sina Inay at ang iba pa. Lumapit ako sa kanila para makita kung ano ang pinagtitipunan nila.

Natigilan ako nang makita si Senyora Celestia, basang-basa at nanginginig ito. Nakaagapay sa kaniya si Uno na nakatingin naman kay Inay.

"Oh, bumalik ka? Bakit? Wala ka bang kaibigan o kakilala na nagpatuloy sa iyo kagabi? Akala ko ba, makapangyarihan ang pangalan mo?" nang-iinis na sabi si Inay.

Binalingan ni Uno ang ina nito. "Ma."

Natuon kay Senyora Celestia ang atensyon naming lahat. Hinihinta