Chapter 49

ISA

NILINGON ako ni Senyora Celestia nang may makahulugang ngiti sa mga labi. Kinilabutan ako sa paraan nang pagtitig niya.

"Nandito na pala ang anak mo. Sinabi n'yo na sa kaniya ang totoo?"

"Wala kang pakialam."

"But he's my grandson. Masama bang magtanong?"

"Mabuti pang bumalik ka na sa kusina kung saan ka nararapat!"

Tiningnan niya ako nang masama. Muli niyang sinulyapan si Alas bago bumalik sa kusina.

Nagmamadali akong umakyat sa tuktok ng hagdan. "Bakit lumabas ka, anak? Nasaan si Lala?"

"Nagpaalam kanina, mama. She's in a hurry, ihing-ihi na raw siya, e. And I was curious about the party. Kaya bumaba ako."

Bumuntonghininga ako sa mga narinig. Mabilis ko siyang kinarga at dinala pabalik sa kuwarto niya.

"Anak, you promised me na hindi ka lalabas."

"I'm sorry, mama. Gusto ko lang naman masilip ang party sa labas, e. Hindi pa kasi ako nakakakita ng party."

Ngumiti ako sa mga narinig. "Hayaan mo, baby ko, pagkatapos nito, magpapa-party tayo para sa iyo."

"For me? Talaga?"

"Oo naman!