Chapter 38

ISA

NAKUHA ko ang atensyon ng mga tao sa sandaling humakbang ako pababa ng enggrandeng hagdan ng malawak na ballroom ng mansion ng mga Buenaventura.

Bukod tangi ang ballgown na suot ko kaya agaw-pansin ito sa lahat ng naroon. Ang sabi ni inay, sadya nila itong ipinagawa sa isang sikat na designer mula pa sa Italy. At si Mrs. Buenaventura, bilang isang kilalang designer mismo dito sa Pilipinas, alam kong maaagaw nito ang kaniyang pansin.

Malakas ang pagkabog ng dibdib ko habang tinitingnan ang mga tao sa paligid. Taas-noo akong naglalakad subalit ang puso ko, para nang nakikipagkarera sa mga kabayo dahil sa bilis ng tibok.

Hindi ako sanay sa mga party, lalo na sa ganitong pagdaraos na puro kilalang tao ang mga imbitado. Ang alam ko ay kilala sa showbiz industry ang karamihan sa mga nandito, ang iba pa raw ay mga politiko.

"Welcome!"

Natigilan ako sa paglalakad nang makita ang babaeng papalapit sa akin habang may malaking ngiti sa mga labi. Nakilala ko agad ito dahil wala siyang suot n