DOS 25

YUJI

"Saan ka pupunta?"

Halos manigas ako sa kinatatayuan ko nang marinig iyon. Dahan-dahan akong lumingon at nakita ang nagtatakang mukha ni Manang.

"Ang sabi ni Dos, hindi ka puwedeng umalis. May lagnat ka."

"Manang, please, hayaan n'yo na ako." Mabilis akong tumakbo palabas ng pinto kahit halos madapa na ako sa sama ng pakiramdam.

Nilingon ko pa si Manang at nakitang may hawak itong cellphone. Oh, no! Maybe she called Dos! Mas lalo kong binilisan ang pagtakbo.

Dumiretso ako sa kabilang direksyon para hindi kami magsalubong ni Dos sakaling bumalik ito. Umuulan kaya lalo lang sumama ang pakiramdam ko. Basang-basa na rin ako.

Pagdating ko sa malaking gate ng private subdivision, nakita kong nakatayo roon si James at parang may hinihintay.

"James!"

Nanlaki ang mga mata niya nang makita ako. "Yuji!"

Mabilis akong lumapit sa kaniya. Halatang nagulat siya. Mukhang alam na rin niya na mahigit tatlong araw na akong nawawala.

"Saan ka ba nagpunta? Nabalitaan naming nawawala ka!"

"James, help