DOS 27

YUJI

ARAW-ARAW akong nilalamon ng galit ko kay James... lalo na kay Ate Gwen. Kahit nawawasak ang puso ko dahil kay Dos, masaya ako nitong nagdaang mga araw kasi inakala kong tanggap na ako ni Ate. Pero hindi pala.

Mas masahol pa ang ginawa niya sa akin. Binaboy nila ako. Binaboy ako nina Ate Gwen at James. Pinagkatiwalaan ko sila pero ito pa ang ginawa nila sa akin.

Nanginginig ang katawan ko nang subukan kong bumangon. Gusto kong tapusin na ang lahat. Gusto kong mawala na sa mundo dahil pakiramdam ko, ang dumi-dumi ko.

Parang wala nang silbi ang mabuhay. Bakit pa? Dinaig ko pa ang basura sa ginawa nila sa akin. Ni hindi ko na alam kung may lugar pa ba ang katulad ko sa mundong ito.

Gusto ko Siyang tanungin... bakit ako pa? Wala naman akong ibang ginawa kundi umasang matanggap ng mga taong mahal ko. Kaya bakit sa akin pa ito nangyari? Bakit hinayaan Niyang sa akin ito mangyari?

Gusto ko nang magpakamatay pero sa tuwing iniisip ko kung paano babawiin ang sarili kong buhay, natatakot n