Chapter 56

Mula nang araw na iyon ay naging tahimik si Maxwell sa tuwing sinasamahan niya si Rave. Hindi kami nag-uusap at kung sakaling magkakatinginan kami at aksidente pa.

Mas ayos na rin siguro na hindi kami nag-uusap, dahil presensya pa lamang niya ay husto ng pinakakaba ang dibdib ko.

Ayoko na ring masaktan ulit. Kasal siya at kailangan kong irespeto ang babaeng napangasawa niya. Napakabastos ko naman kung sakali, ‘di ba?

Naging ganoon ang routine araw-araw at minsan ay dalawang beses lang sa isang linggo. Si Maximo naman ay tulog na sa tuwing pupunta sila kaya minsan ay sa kwarto na kumakain ang anak ko.

Isang araw ay tahimik akong nakaupo sa single sofa sa sala ko dahil nandito sila Jaidah, Rave, at Maxwell.

Nang biglang tumayo si Maxwell. “Manganganak na raw si Cassandra, mauuna na muna ako.” Napalunok ako sa kanyang sinabi.

‘Cassandra? Iyon yung asawa niya hindi ba?’

“Si Ate Cassandra? Ang aga naman yata kuya? Sa susunod na buwan pa ang due niya ah?” Kahit si Rave ay napatayo kaya umay