Chapter 26

ABBY

"Abby ikaw ba iyan? Naku buti naman at dumalaw ka dito sa mansion." bahagya akong natigilan ng marinig ko ang isang pamilyar na boses. Agad kong nilingon at laking tuwa ko ng makita ko si Nanay Nilda.

"Nay....kumusta po?" masaya kong wika sabay yakap dito. Kahit papaano gumaan ang aking kalooban sa isiping nandito si Nanay Nilda. Iginala ko ang aking paningin sa paligid. Napakaganda ng lugar. Maaliwalas at ibang-iba sa Mansion na tinirhan namin noon. Sobrang yaman nga ni Luther. Walang imposible dito kapag pera ang pag-uusapan.

"Diyos ko ito na ba ang mga bata? Kay gagandang mga bata. Naku naalala ko tuloy ang hitsura ni Luther noong bata pa. Kamukhang-kamukha ng mga anak niyo Abby." Masayang wika ni Nanay Nilda at nilapitan pa nito si Lorraine at Carl na noon at nagpapalipat-lipat ng tingin sa amin. Sandali naman kaming iniwan ni Luther dahil narinig kong may tumatawag dito kanina.

"Lorraine, Carl, say hello to Nanay Nilda." wika ko sa dalawa kong anak.Agad naman lumapit ang mag