Book 2: Chapter 10-Naughty

MALUNGKOT na natakanaw sa puntod ng nag-iisang anak niya si Seliste. Matagal ng panahon na rin nakahimlay ang anak. Pero hanggang ngayon ay hindi pa niya natupad ang una at huling hiling nito sa kanya bago nalagutan ng hininga. Kasalanan niya ang lahat kung bakit hindi naging masaya ang buhay may asawa nito noon. Napatingala siya sa langit at muling nanariwa ang kahapon sa kanyang alaala kung bakit hindi nito nakasama ang tunay na minamahal.

"Layuan mo ang aking anak," inabutan niya ng tseke ang babaing minamahal ng kanyang anak. Nakasulat doon ang kalahating milyon na halaga. "Siguro naman ay sapat na iyan upang lumayo ka sa kanya?"

"Mahal ko po si Marcus at buntis po ako." Umiiyak na sagot ng dalaga habang nakayuko.

"Ambisyosa ka! Magkano ang kailangan mo? Name the price and get lost! Hinding-hindi kita matatanggap sa pamilya ko lalo na iyang anak mo!" singhal ni Seliste sa babaing lumuluha.

Walang puwang sa kanya ang awa para dito dahil ang tingin niya dito ay pera lamang ang hab