Book 2: Chapter 4-Pagkalito

"WATER please!" Sigaw ni Sasha mula sa loob ng kusina.

"Tubig na lang hindi mo pa makuha eh nasa tabi mo lang naman?" Nakasimangot na tinuro ni Dexter ang water dispenser. Unang araw palang ng dalaga ay hirap na siya dahil bawat kilos nito ay siya ang tinatawag. Hindi pa siya tapos magligpit ng higaan nito nang sumigaw for water.

"Hindi ako makatayo, nangalay ang mga paa ko kasi ayaw mo akong pakilusin hindi ba?" napakaamo ng mukha ng dalaga na tumingala sa binata at ngumiti.

"Ayst! Oo na, " napilitan siyang ikuha ng tubig ang huli. "Bakit hindi mo inubos iyang pagkain mo?" tanong ni Dexter nang mapansin ang platong nasa harapan ni Sasha.

"Hindi masarap," nakalabi na tugon ng dalaga.

In-order pa niya ang pagkain na iyon sa restaurant na nasa ibaba lamang ng building dahil wala siyang time magluto. Kinuha ni Dexter ang kutsara at tinikman, "masarap naman ah!" nangunot ang noo nang malasahan ang pagkain. "Nganga!" Sumandok siya muli ng sinangag na kanin at sinubuan ang dalaga.

Napatang