Book 2: Chapter 3-Ang demand ni Sasha

HINDI mapakali si Dexter sa isang tabi, panay ang silip sa nakasarang pinto kung nasaan sina Kailani at Sasha. Ginagamot ni Kailani ang sugat sa braso ng kaibigan nito dahil natamaan ito ng bala kanina sa bakbakan para iligtas ang kanyang buhay muli.

"Nag aalala ka ba sa kanya dahil nasaktan siya ng dahil sa iyo?" makahulugang tanong ni James kay Dexter nang tumayo muli ito upang alamin ang kalagayan ni Sasha lalo na nang mapahiyaw ito sa sakit.

"Ano ang ibig mong sabihin?" Kunot ang noo na tanong ni Dexter dito, ayaw mag-function ng kanyang utak sa ngayon dahil naiinis siya sa kanyang sarili. Wala manlang siyang magawa upang maibsan ang sakit na nararamdaman ngayon ng dalaga.

"Tsk tsk!" Palatak ni James sabay iling, "inumin mo muna iyang kape mo bago pa lumamig. Huwag kang mag-alala dahil malayo sa bituka ang sugat niyon."

"Sino ba talaga kayo?" Tumayo si Dexter dala ang kape at nilapitan ang apat na taong nakatali sa isang tabi.

"Mga kidnaper sila kung kaya mag-ingat ka at baka matu