Book 2: Chapter 2-Ganap bago nahuli sina Edwin

"YOU!" Nanggigigil na duro ni Dexter kay Sasha, "may anaconda ka ba na alaga diyan sa tiyan mo at halos maubos mo ang laman ng ref?"

Nanununlis ang nguso na umirap si Sahsa sa binata. Kanina pa siyang umaga sa condo nito at idinaan sa pagkain ang pagkabagot. Wala naman dapat siya doon pero mas gusto niyang tumambay sa magandang bahay ng binata kaysa doon sa bahay na may criminal na binabantayan.

"Wala ka ba ibang trabaho kundi ang bumuntot sa akin?"

"Bayad na ako sa nakain ko kung kaya huwag ka nang magreklamo pa!" Tinalikuran niya ang kausap at hinagilap ang bag kung saan naroon ang kanyang cellphone.

"Hoy hindi sapat na kabayaran sa naubos mong pagkain ang paglaba sa tatlo kong—" hindi na itinuloy ng binata ang huling kataga nang makita ang nakakalokong ngiti sa labi ng dalaga nang humarap sa kanya.

"Uuwi ka na?" tanong na lamang niya nang makitang hawak na nito ang bag. Tumahimik siya nang suminyas ito na tumahimik bago sinagot ang tawag sa cellphone nito.

"Nasaan ka?" tanong agad