Book 7: Chapter 19-Kamatayan

"HIDE!" utos ni Cloud kay Ellah, sapo ng isang kamay ang balikat na may sugat habang dina-dial ang number ng kaibigan.

"Oh my God! Tinamaan ka!" Garalgal ang boses at nanginginig ang mga kamay na hinawakan niya ang braso ni Cloud. Halos himatayin siya nang makita na maraming dugo ang dumadaloy mula sa sugat nito.

"Malayo ito sa bituka, marunong ka bang humawak ng baril?" Inabot niya dito ang isang baril na lagi niyang dala.

"Ba- bakit ka may baril? At sino ang gustong pumatay sa atin?" Hintakutan niyang tanong kay Cloud. Kahit takot hawakan ang baril ay kinuha niya iyon upang ipagtanggol ang asawang sugatan kung kinakailangan. Kahit paano ay alam niyang kalabitin iyon upang pumutok. Naikasa na iyon ni Cloud at kailangang maingat na maiputok iyon sa kaaway lamang.

"Parating na ang mga kaibigan ko, tulongan mo muna akong maitali ito." Hirap na ibinuhol ni Cloud ang panyo sa kanyang braso. Mabilis na tinulongan siya ni Ellah kahit nanginginig ang mga kamay.

"Ahh! Shit! Lapat ang ngipin