Book 7: Chapter 37-Sanib pwersa

MABILIS na pinatay ng judge ang television matapos mapanuod ang balita. Iginala niya ang tingin sa mga naroon at lahat ang mga ito ay mukhang mga malulungkot.

"Kailangan pagbigyan ang request nila dahil taong bayan ang makakalaban natin kung magkataon." Lakas loob na turan ng isa sa hurado at sinang-ayunan ng karamihan.

Kampanting bumalik sa kinaupuan sina Cloud nang muling humarap sila sa pagdinig.

Nangangalit ang bagang ni Tony habang yakap ng mahigpit ang anak na umiiyak nang marinig ang pasya ng taga hukom.

"Minumungkahi ko rin na isa sa doctor namin ang magsagawa ng DNA test upang masiguro na walang mangyaring dayaan." Pagbigay imporma muli ni Jeydon.

Nag-igtingan ang mga ugat sa kamao at leeg ni Tony dahil sa pagpipigil ng galit. Nag-iisip kung paano malusutan at mapalabas na totoong anak niya si Eliza.

Natapos ang hearing na pabor kina Cloud. Ngumiti lang si Jeydon kay Gab bago nakipagkamay dito.

"Hanggang sa muli." Ngumiti si Gab kay Jeydon upang ipakita dito na baliwala sa k