Book 7: Chapter 38-Gimbal

ARAW ng hearing ay muling nagharap ang magkabilang kampo. Lalong naging maingay ang balita dahil si Ted naman ang lilitisin.

"Magkamukha nga sila ng makisig na abogado." Bulong-bulongan sa paligid nang makita sa iisang room na sina Cloud at Ted.

Napatitig si Ted sa taong nakaupo sa kabilang banda. Ngayon niya lang ito nakita ng personal at naluluhang tinitigan ito. Masaya siya dahil buhay pa ang pamangkin at nakabalik na sa kanila. Ang buong akala nila ay patay na talaga ito.

"Kompandre, alalahanin mong hindi na siya ang kilala mong bata noon. Isa pa ay hindi pa tayo nakakasiguro na siya nga ang nawawala mong pamangkin." Paalala ni Tony kay Ted. Patuloy siyang nagpapanggap na kakampi siya nito.

Tinapunan lang ni Ted ng tingin si Tony at tahimik na umupo sa upuang nasa unahang helera. Agad tumabi sa kaniya ang abogado na pangalawang beses pa lang niya nakaharap. Nagtiwala siya dito nang magpakilala itong kaibigan ng kaniyang pamangkin.

Iba namang abogado ang kadiskusyon ni Micko at ala