Book 8: Finale

"Sorry kung hinayaan kitang si Wigo ang kasama mo kanina papunta rito. Hindi sana mangyari ang lahat ng ito kung ako ang nakasama mo sa pagharap sa babaeng iyon."

Napalabi si Amalia at inirapan si Max. Sobrang higpit pa ng yakap nito sa kaniya na para bang takot na may humablot bigla sa kaniya.

"Hello po, daddy!"

Napataas ang kilay ni Wigo nang marinig ang tawag ng anak ni Amalia kay Max. Hindi niya alam na close na pala ang dalawa. Kita niya rin ang pagkagulat sa mukha ni Amalia habang nakatitig sa anak nito.

"Pumasok na kayo sa loob at mainit na dito." Anyaya ni Loida sa lahat at nagpatiuna na sa pagpasok sa bahay. Ang apo ay nagpabuhat na sa lalaking alam niyang magiging ikalawang ama nito.

"Hello, My Princess, are you okay?" Malambing na tanong ni Max sa bata habang hinahaplos ito sa pisngi.

"Takot po ako kanina, daddy, kasi may bad old woman na gusto akong kunin."

Nagkapalitan ng tingin sina Wigo at Amalia dahil parang may sariling mundo na ang dalawa. Mabagal ang mga hakbang nil