Chapter 28-Katigasan ng puso

Mabilis na bumalik ng opisina si Edwin nang wala na sa paningin ang anak.

Napapiksi si Jenny mula sa kinaupuan nang biglang bumukas ang pintuan. Mabuti na lang at naitago na niya ang cellphone na gamit kanina.

"Bakit hindi mo pa inaayos iyang mukha mo?" Nandidilat ang mga mata na singhal ni Edwin sa dalaga.

"Nabitawan ko po at natapon kaya hindi ko na ginamit." Pagdadahilan ni Jenny sa matanda.

"Punyeta, ginagalit mo ba talaga ako, ha?!"

"Boss, huwag!" Maagap na nahawakan ni James ang kamay ng matanda bago pa iyon makalapat sa makinis na mukha ng kaibigan. Dali-dali siyang sumunod kanina dito nang mapansin na galit ito.

Galit na nilingon ni Edwin ang mapangahas na taong humahawak sa kaniyang brasong nanatiling nakaangat sa ere.

"Huminahon po kayo, Boss. Nasa paligid lang ang anak mo at si Jenny. Huwag niyo na dagdagan ang pasa niya sa mukha dahil tiyak na mahalata na iyan." Paliwanag ni James dito upang hindi maghinala sa kaniyang biglaang pagsulpot.

Biglang huminahon si Edwin at da