Chapter 33-Bagong plano

LUMABAN ng pakipagsukatan ng tingin si Jenny kay Yazed nang magkaharap na sila ng upo.

"Gusto ko lang ipaalam sa iyo na mula sa araw na ito ay ako na ang magpapasahod sa iyo. Wala kang ibang sundin kundi ang utos ko lamang. Hindi ka na hawak ng aking ama kaya ayaw kong makitang lumalapit ka pa sa kaniya. Kapag nilabag mo ang unang rules ko ay hindi ako mangingiming tangalin ka sa iyong trabaho, maliwanag ba?"

Nakahinga ng maluwag si Jenny dahil sa kundisyon ng binata. "Dapat na ba kitang pasalamatan dahil nakawala na ako sa bakal na kamay ng iyong ama?" hindi napigilan ni Jenny ang maging sarkastiko sa kaniyang pananalita.

"Hindi ko alam kung bakit sinaktan ka ng aking ama. Pero dapat ka ngang magpasalamat kung hindi mo gustong manatili sa tabi niya." Aroganteng sagot ni Yazed dito.

Napailing na lamang si Dexter nang maabutan ang dalawa na mukhang gustong sakalin ang isa't isa.

Iniwan na ni Yazed ang dalaga nang makita ang kaibigan. Pumasok siya pansamantala sa kaniyang silid at may