Chapter 40-Mapagkatiwalaan

"INUTIL!" Galit na hinampas ni Edwin ang lamesa nang ibalita ni Dino na pumalpak ito sa lakad nito.

Nang-aasar ang ngiting sumilay sa labi ni James. "Ang yabang kasi, tatlo na kayo pero natakasan pa kayo ng taong hinahabol ninyo."

Masamang tingin ang ipinukol ni Dino kay James. Parang kailan lang ay siya ang nang-iinsulto sa kakayahan nito. Pero ngayon ay siya na ang nasa hot seat.

"Gusto kong unahin niyong itumba ang kung sino man ang pumuprotekta sa abogadong iyon!" nangangalit ang mga bagang ni Edwin habang dinuduro isa-isa ang nasa harapan na tauhan.

"Mukhang tama si James, boss. Magaling ang taong nagbabantay sa abogado at patago kung kumilos. Bigla na lang siya sumusulpot at inuunahan kami." Pangatwiran ng isa sa kasama ni Dino.

"Wala akong pakialam kung magaling man siya! Nag-iisa lang siya at marami kayo! Galit na bulyaw ni Edwin dito.

"Boss, mas maganda siguro kung pagkatapos na ng kasal ng anak niyo ituloy ang plano. Baka siya pa ang maging dahilan ng pag-postpone ni Yazed