Chapter 44-Injection

PAGKAPASOK ni Jenny sa mansyon ay bigla siyang kinabahan. Wala ang sasakyan ni Yazed sa garahe. Ibig sabihin ay iniwan nito ang ina sa pangangalaga lamang ng impostora niyang pinsan. May pagmamadaling pumasok sa loob at dumiritso na sa room ni Amber.

"Shit! Ano ang ginagawa mo?" Inilang hakbang niya lang ang kinaroonan ni Jennelyn at pahablot na inagaw dito ang hawak nitong injection.

Nanginig sa takot si Jennelyn dahil nagulat siya sa biglang pagsulpot ni Kailani. Halatang guilty siya ngayon sa isang kasalanan na ginawa. Pero nakahinga siya ng maluwag dahil ito lang ang nakakita sa ginawa niya. Biglang tumapang ang aura ng kaniyang mukha at hinarap ang babae.

"You! Hindi ka ba marunong kumatok, ha? At sino ka para kwestyunin ang ginagawa ko?" Dinuro niya ito habang ang isang kamay ay nakapamaywang.

"Ako ang tagapag-alaga niya kaya may karapatan ako na punain ka kasi ako ang sisihin kapag may nangyaring masama sa pasyente ko!"

Bahagyang napaurong si Jennelyn dahil sa nakikitang galit